D&D 5th Icewind Dale Rime of the Frostmaiden

Frostmærin heldur Snæfoksdal í ísköldum heljargreipum sínum. Getur þú leyst tíþorpin úr viðjum klaka og vetrar – hinnar ævarandi vetrarnætur?

Í Snæfoksdal kennir kulda af öllum ráðum og ævintýramennska er aðeins ætluð þeim allra hörðustu – þeim sem þora að takast á við grimm og miskunnarlaus náttúruöflin. Íbúar svæðisins eru fáir, aðeins þeir sem eiga í engin önnur hús að venda eða hafa þurft að flýja hinn langa arm laga og blóðhefnda. Frostmærin, gyðja vetrar og kulda, hefur lagt álög á svæðið og heldur því í ævarandi fimbulvetri, sem hefur gert íbúum svæðisins enn erfiðara fyrir.

Ríma Frostmeyjarinnar er ævintýri fyrir hetjur á 1.-12. reynslustigi og gerist á landsvæðinu í kringum tíþorpin. Hetjurnar þurfa að takast á við allt frá ísbjörnum til valdsjúkra galdramanna. Ævintýrið er í senn hrollvekjandi og skemmtilegt.

7.495 kr.

Ekki til á lager

Fá tilkynningu
Vörunúmer: WOC C78920000 Flokkur:

Nánari upplýsingar

Áhersla

Spil – Dungeons & Dragons