Handbók Fyrir Ofurhetjur – 2.hluti: Rauða Gríman

Ef mann dreymir nógu lengi um eitthvað sérstakt endar það með því að draumurinn rætist.

Það er komin ný ofurhetja í bæinn. Börnin í skólanum halda varla vatni yfir hinni stórkostlegu Rauðu grímu sem flýgur um og tekst á við bófa. Þau hafa ekki hugmynd um að hún er engin önnur en Lísa bekkjarsystir þeirra, sem alltaf er strítt. Síðan Lísa fann hina dularfullu „Handbók fyrir ofurhetjur“ á bókasafninu hefur hún verið að æfa sig í ofurkröftum – en núna stendur hún frammi fyrir erfiðasta verkefni sínu hingað til.