Þar sem núverandi samkomubann miðast við 20 manns þá notar Nexus auðvitað icosahedron til að telja inn og út úr versluninni í Glæsibæ. Icosahedron er ávalur margflötungur með tuttugu fleti, þrjátíu brúnir og tólf oddpunkta. Icosahedron er best þekktur sem tuttugu hliða teningurinn í hlutverkaspilinu Drekar og Dýflissur. Árásarteningurinn sem sker úr hvort ævintýrapersóna spilarans hittir andstæðing sinn föstu höggi eða slær vindhögg. Fyrsta útgáfa af D&D kom út árið 1974 og síðan þá hafa milljónir spilara handleikið icosahedron, rúllað og beðið með eftirvæntingu hvaða númeraði flötur mun enda efst.
Þið getið lesið meira um icosahedron hér (á ensku): Icosahedron á Wikipedia